JANAJA

Dekhte hai Ham jab bhi kisi Janaje ko,
Lagta hai Jaise Hamse kuch kah raha ho.

Has Raha ho Jaise Un Roe walo par, 
Ya paida hone walo par Has raha ho.

Dekhte hi Janaje ko Man me dar sa kahi a jata hai,
Gujarta hai Jahan se Charon Our Bhay sa chha jata hai.

Har paida hone wale ko ek din mere sath jana hai,
Ye kahte hue sabse Thande Toofan ki tarah Gujar jata hai.

Aisa Toofan jo Apni Parchhai Har kisi k dil me chhod jata hai,
Hasnte Khelte Insan k Bharam ko pal bhar k lie hi sahi par tod jata hai.

Aisa sach jise koi yaad ni kara chahta,
Usi sach ko insan k dil me kahin kuredta hua chala jata hai.

Janaje ki kadvi hansi jo koi apne kano me padne ni dena chahta,
Usi Kadvi Hansi ko sabke Kano me dalta hua chala jata hai.

Marne wale k sath rone wale to bahut hote hai, 
Par kya wo us marne wale k gham me rote hai,
ya Janaje k sath uthati RAM NAM SATYA ki awaz aur marne wale k sharir se lipta Safed rang ka libas,
Yaad dilata hai unhe apne ane wale kal ko, bhul k jina chahta hai har Insan jis pal ko.
bhul k jina chahta hai...............

Comments

Post a Comment

Popular posts from this blog

HAMARA SAPNA

BAHUT DINO SE THA HAMARA BAS EK HI SAPNA, EK MARUTI GADI HO AUR EK DRIVER HO APNA. YADI NA HO DRIVER TO BHI CHALEGA, BAS EK MARUTI HI MIL JAE APNI KISMAT KI LOTTRY KHUL JAE, BAITHKAR SAFAR KAREN NIRUDDESH GHANTO TAK, IS SWAPNPURTI K LIE HAMNE PRAYAS BHI KIE  BHARSAK, PAR JAB APNE NASEEB HI HON KHOTE TO RAM KO KYA DEN DOSH, IS SAPNE K CHAKKAR ME HAM KHO BAITHE APNE HOSH.. HUA YUN K YE SAPNA HAME DOBARA AYA, EK BAR FIR GADI ME GHUMNE KO HAMARA JI LALCHAYA, BAS HAM KHADE KHADE SO GAE, SAPNO KI DUNIA ME KHO GAE. SAPNO KI DHUN ME SOCHA SAMNE KHADI CAR HAMARI HAI, FIR KYO CHALEN HAM PAIDAL JAB SAMNE KHADI SAWARI HAI. BAS YAHI SOCH HAM HO GAE CAR ME SAWAR; AUR KAR DI CAR START. KHUDA KI BHI DEKHIE MEHARBANI, GADI ME LAGI THI CHABHI AIR PADA THA DRIVING NIRDESHON KA CHART, FIR KYA THA, HAM DHIRE DHIRE AGE BADHE, GADI KI GATI K SATH-SATH HAMARE DIMAG BHI UPAR CHADHE, GADI LE JAKAR BHED DI DUSRI GADI ME, ANDAR SE EK MAHILA NIKLI HARE RANG...
Read more

KOSHISH

Tarif Karu kya apni, Aj tumhe yaad na karne ki har nakam koshish ki hai, Tarif par tumhari hai k wo Manjar ankho se hata hi nahi, Apni Jindagi se to ummidwari hai hi nahi ab, kyo Ummid hi aise tooti hai, Par jane kyo Dil ka ye khalipan tumhare siva kisi aur se bahra hi nahi, Bejar Bajar si ye Mutthi bhar Jamin le kar ab kahan jaenge, Usme takalluf karne wale har mod par baithe hai, Hame Ajmae wale har mod par baithe hai, Par Ham jise Ajmae wo sach............., Tumse hi puchhenge Aj; kyoki tumse acha Apne aur Paraye ka Farak samjhae wala aj tak mila bhi to nahi. fir bhi Dil ka ye Khalipan tumhare siva kisi aur se bhara hi nahi....
Read more

NAVIK JAB NAUKA KHETA HAI...!!!!

Nahin Us Aviral Athah  Jaldham ki, Gati se wo awgat hota hai, NAVIK JAB NAUKA KHETA HAI. Na hi us Vishal Jaladhi me, Ate Jate toofano  ki, Anayas Vivechna me wo samay ko apne khota hai. NAVIK JAB NAUKA KHETA HAI. Bas Ek hi uska lakshay hua, Bas Yahi satya wo jana hai, Hath Ram ka Sar par lekar, Har patwar chalana hai. Gar wo dooba to Ladne ka usme harsu Sahas hai, Magar Agar wo   dara kahin  to, Vishwas Ram ka khota hai. NAVIK JAB NAUKA KHETA HAI. Samay yahi tu ise samajh, Jivan ka sar yahi kahta hai, ki Shant Jaladhi me jata Navik, Nipun kavi nahin hota hai. NAVIK JAB NAUKA KHETA HAI. Itihas palat k dekh jara, dhrastant bhare lakhon usme, to ho Atal bas pi ja Garal, Kis bat se Vichlit hota hai. Sun, Patwar Chalana kala yahan, Har pal Avlokan kar Apna. Gar Nauka par lagani hai, Kar Hal Pal naya shrujan apna. Kar...
Read more