PAHELI

Jindagi Kitni Ajib Paheli hai,

Kitno ka sath hai par jane kyo akeli hai,

Hamne suljhana chaha Ise bahut bar, par khud hi ulajh jate hai,

Tedhi Medhi Galion se ghumkar aksar dorahe par a jate hai,

Jante hai k dono hi raste Anjan hote hai, aur ye v jante hai k inme jane wale jane kahan khote hai.

Par fir v koi hame dono me se ek raste par lekar jata hai,

Shayad use hi Kismat kaha jata hai.

Kismat;

Pata nahin kab kisko kisk sath jod de,

yahi to hai jo jane kab sabse pyare rishte ko ek hi pal me tod de,

Kabhi Kabhi sochti hu k kya insan bina kuch soche Kismat k sahare ji sakta hai ??

Koi Kitne Jahar k pyale isk bahrose pe hanste hue pi sakta hai ??

Har ek k man me ek hi prashn kyo uthta rahta hai ??

Kya hoga uska Bhavishaya yahi kyo sochta rahta hai ??

Kyo rahta hai Insan Itna Utsuk apne Bhavishay ko janne k lie ??

Kyo nahin hota wo taiyar Vartman ko sach manne k lie ??

Bhagwan ko sab mante hai, sab usk hath me hai ye v mante hai,

Par fir v usk upar sab kuch kyo nahin chhod dete ??

"karmaye vadikaraste mafalesu kadatjana" 

Usi ko sarvashav man kar sare bandhan kyo nahin tod dete ??

Sab janate hai paisa ek Maya hai,

fir bhi kyo is Maya ka sab par saya hai ??

Sab jante hai Dunia ek Gorakhdhandha hai,

Fir v kyo lipt isme har ek Banda hai ??

Pata nahin hai kisi ko par fir bhi har koi bhag raha hai,

Pata nahin kis andhi daud me age nikalna chah raha hai ??

Kisne kia hai is daud ka Ayojan, aur kya hai uska prayajan ??

Pata nahin kuch par fir v is daud me sab age badh k hissa le rahe hai??

Pata nahin kahan hai iska anta aur kya hoga iska anjam sath hi ye bhi kah rahe hai,

Kismat;

kabhi to ye ho jati hai meharban aur kabhi nishthur,

kuch bhi kahie ise banane wala hai to bada chatur,

Dimag to dekhie uska, Har ek ki alag alag banata hai,

koi nahin janta Kahan, Kisse, Kiska Kya nata hai ??

Kisi ko uski manchahi chiz bin kahe hi mil jati hai aur kisi se uski Manchahi chiz kahne k bad bhi chhin jati hai,

Dekha Kitne tedhe medhe raste hai,

ye na sirf apk aur na sirf hamare waste hai, Inme Bhatkati hai dunia sari,

Kismat se sab hare par Kismat kisi se na hari,

Aparajey si In Jangalon me Insan ko kathputli ki tarah nachati hai,

Pata nahin kyo; par ek pal Hansati to Doosre hi pal Rulati hai,

Is paheli ko hal karne ki koshishen to hamne ki hai Lakh,

Par ye to aisa ped hai jisme hai Hazaron sakh,

Har ek sakh doosri sakh se uljhi hai,

Aisa lagta hai jaise kisi ka apna koi adhar hi nahin hai,

Khair, Fursat k Chhado me In prashno par vichar jaroor kijiega,

Jawab mil jae to hame khabar jaroor kijiega..

Hame Khabar Jaroor Kijiega....

....Apologist....